Compromiso 3cumios

Porque o verdadeiro éxito constrúese cando se comparte

A nosa expedición vai máis aló do desafío de alcanzar a cima: buscamos deixar unha pegada positiva nas comunidades que gardan estas montañas sagradas.

O noso obxectivo é levar material deportivo directamente ás escolas das comunidades locais máis desfavorecidas, mercando o material no propio país para contribuír á reactivación económica e ao desenvolvemento da zona. Unindo paixón pola montaña con accións que marcan a diferenza.

Queremos promover o acceso ao deporte coma unha ferramenta de crecemento, desenvolvemento, superación, solidariedade e cambio.

 Agradecemos o apoio de todos e todas nesta iniciativa solidaria e destinaremos un 10% de todo o recadado a facer realidade este proxecto

Este xesto non só reflicte o noso compromiso co alpinismo responsable, senón que simboliza unha profunda convicción: o verdadeiro éxito constrúese cando se comparte.